حكاوى القهاورى

القهاوى دى طبعا مش القهاوى اللى فيها الشيشة او المعسل لا طبعا اوعى دماغك ياخدك لبعيد، بصراحة وانا بفكر اعمل المدونه دى جه فى زهنى برنامح لسامية الاتربى اللى بيحمل نفس اسم المدونه وبصراحة بالرغم من انى كنت صغير ساعتها كنت بحب البرنامج ده اول سبب البساطة اللى فيه تانى سبب ان الاستاذه سامية كانت بتجيب نماذج من الانسان المصرى اللى بجد فى شكله وكلامه وعيشته المصرى الاصلى مش المصرى المضروب بتاع اليومين دول والمضروب هنا بتحمل معنيين فيها توريه مظبوط الاولى المزيف والتانية المضروب بمعنى كل حرف فى الكلمه وده مش موضوعنا الوقتى هنتكلم فيه بعدين تالت حاجة ان ضيوف البرنامج كانوا بيحكو عن ايام احنا مفتقدنها فى زمانا ده من كل حاجه وهان قولى زى متحب سوء عيشه او مزاج لا مش اللى فى ادماغك اقصد البال المرتاح والمزاج العالى (ثومه ،حليم ،عبد الوهاب نجاة شادية .........................الخ) كان المزاج فى السحاب بالرغم انهم كانو بيعيشو فى ظل استعمار اجنبى سوء كان متمثل فى اسرة محمد على او الاستعمار البريطانى واحد هيقولى ودى تفرق ايه عن ايامنا الوقتى ماحنا فعلا فى ظل او تحت راية المستعمر اوله يابنى متخبطش فى الحلل اه فهمتك تقصد المستعمر الاجنبى اللى غزى عقولنا وتفكرنا واثر على العيشه بتاعتنا تقصد ده ، لا مفيش اصل افتكر حاجه تقصد الاسرة الحاكمة بتاعت تيييييييييييت اظاهر انا اللى بخبط فى الحلل اسف ...........
المهم اتمنى انى اقدر اكمل كتابة فى المدونه على الكتابة فى المدونه دى ان شاء المولى عز وجل ويارب الاقى قبول واعجاب فى الكتابات اللى هتنكتب والحكايات اللى هتتحكى